Gjykata e Durrësit ka caktuar masën e sigurisë “Arrest me burg” për pronarin e kamionit “Hensi Trans”, Arian Çermën, dhe drejtuesin e kamionit Olgert Dodën, banues në Fier.
Ata akuzohen për 45.5 kg heroinë që u kap në Portin e Durrësit pak ditë më parë në një kamion të ngarkuar me krom, i cili kishte si destinacion Barin e Italisë.
Asnjë prej të arrestuarve nuk ka pranuar akuzat që janë ngritur ndaj tyre.
Heroina e kapur pak ditë më parë vinte nga Maqedonia e Veriut, kalonte tranzit në Shqipëri për të shkuar më pas në destinacionin final, në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
