Zbulohen detaje të reja lidhur me aksidentin me pasojë vdekjen të ndodhur mbrëmjen e së enjtes në Kavajë, ku një grua përplasi për vdekje një person i cili udhëtonte me makinë.
Aksidenti u shënua në aksin rrugor Qerret-Mali i Robit, ku burime nga policia bëjnë me dije se në timon, nën drejtimin e mjetit ka qenë gruaja e ish-kryebashkiakut të Kavajës, Elvis Roshi.
Iris Guma, është përplasur me një ciklomotor me drejtues shtetasin Fatmir Duda, i cili për pasojë ka ndërruar jetë në vendngjarje.
Sakaq, drejtuesja e automjetit ndodhet në spital nën kujdesin e mjekëve jashtë rrezikut për jetën, ndërsa grupi hetimor po punon për sqarimin e rrethanave dhe dokumentimin ligjor të shkakut të aksidentit.
Njoftimi i policisë
Në aksin rrugor Qerret-Mali i Robit, një automjet me drejtuese shtetasen I. G., është përplasur me një çiklomotor me drejtues shtetasin F. D, i cili ka ndërruar jetë në vendngjarje.
Drejtuesja e automjetit shtetasja I. G, ndodhet në spital nën kujdesin e mjekëve jashtë rrezikut për jetën.
Grupi hetimor po punon për sqarimin e rrethanave dhe dokumentimin ligjor të shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
