“Flats” u kodua një operacion i policisë së Tiranës, gjatë të cilit u zbuluan 3 apartamente në Rrugën e Elbasanit dhe në rrugën “Vangjush Furxhi”, ku ushtrohej prostitucion nga shtetase të huaja.
Si rezultat i hetimeve, me objektiv konstatimin e rasteve të vënies së ambienteve të marra me qira, në dispozicion të ushtrimit të prostitucionit u arrestuan shtetaset kineze, K. S., 39 vjeçe dhe W. G., 42 vjeçe, pasi dyshohet se secila kishte marrë me qira, një apartament në Rrugën e Elbasanit, për të ushtruar prostitucion.
Po ashtu u arrestua shtetasja vietnameze, T. (N. L.) V., 43 vjeçe, pasi dyshohet se kishte marrë me qira, një apartament në rrugën “Vangjush Furxhi”, për të njëjtin qëllim.
Në vijim të veprimeve në lidhje me këto raste, nisi procedimi në gjendje të lirë për dy persona, për veprën penale “Prostitucioni”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
