Policia e Gjirokastrës ka arrestuar një 36-vjeçar me iniciale A. B., pasi u kap në flagrancë duke transportuar kundrejt pagesës, 5 emigrantë që do të kalonin ilegalisht kufirin. 36-vjeçari u kap në aksin rrugor nacional Gjirokastër-Tepelenë, në vendin e quajtur "Ura e Kardhiqit". Në cilësinë e provës materiale u sekuestruan automjeti tip "BMW" dhe një aparat celular. Njoftimi i policisë: DVP Gjirokastër/Vijojnë goditjet e njëpasnjëshme ndaj veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit. Finalizohet operacioni policor i koduar "Road Guard 64". U kap në flagrancë duke transportuar kundrejt pagesës, 5 emigrantë që do të kalonin ilegalisht kufirin, vihet në pranga 36-vjeçari. Sekuestrohen automjeti me të cilin transportoheshin emigrantët dhe një aparat celular. Seksioni për Hetimin e Trafiqeve të Paligjshme, në bashkëpunim me shërbimet e Qarkullimit Rrugor, në vijim të punës së pandërprerë, në terren, për parandalimin, evidentimin dhe goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, mbështetur dhe në inteligjencën informative, kanë finalizuar operacionin policor të koduar "Road Guard 64", si rezultat i të cilit u bë arrestimi në flagrancë i shtetasit A. B., 36 vjeç, banues në Durrës. Ky shtetas u kap nga shërbimet e Policisë, në aksin rrugor nacional Gjirokastër-Tepelenë, në vendin e quajtur "Ura e Kardhiqit", duke transportuar me automjetin tip "BMW, 5 emigrantë nga vendet MENA, nga Saranda në drejtim të Tiranës, kundrejt fitimit. Në cilësinë e provës materiale u sekuestruan automjeti tip "BMW" dhe një aparat celular. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
