Një shtetas shqiptar është arrestuar nga autoritetet belge, nën akuzën e vrasjes së mbetur në tentativë. Sipas mediave vendase, 32-vjeçari dyshohet se ka goditur tre herë me thikë një bashkëatdhetarin e tij, ngjarje e ndodhur para një lokali në qendër të brukselit më 21 shkurt të këtij viti.
Shqiptari u përfshi në një diskutim para lokalit “Auguste Ortsstraat”, pranë Bursës, ndërsa kishte refuzuar të pinte birra me dy bashkatdhetarët dhe ky ishte shkaku i tensioneve.
32-vjeçari u largua nga kafeneja për gjysmë ore dhe u rikthye sërish.
Diskutimi rifilloi dhe të tre dolën jashtë. Aty i pandehuri ka kapur një thikë dhe ka goditur tre herë njërin nga dy shqiptarët. Viktima mori një plagë në mushkëri.
Sipas Prokurorisë, pasi u largua nga lokali, 32-vjeçari është rikthyer me paramendim për të zgjidhur çështjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
