Një 62-vjeçar është arrestuar sot pasi qëlloi me armë zjarri në ajër.
Banorët e zonës së Bregut të Lumit, në Tiranë, njoftuan policinë se një person po qëllonte me armë.
I prangosuri është 62-vjeçari me inicialet, D. P., për të cilin thuhet se ishte në gjendje të dehur.
Në cilësinë e provës materiale u sekuestrua arma e zjarrit automatike, me të cilën ky shtetas ka qëlluar në ajër.
Materialet në ngarkim të tij i kaluan Prokurorisë pranë Gjykatës së Shkallës së Parë Tiranë, për veprat penale "Armëmbajtja pa leje" dhe “Prishja e rendit dhe qetësisë publike".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
