Një garazh i përshtatur për prodhimin dhe shitjen e lëndëve narkotike është zbuluar në Lezhë, ku kanë përfunduar 3 persona në pranga, mes të cilëve edhe pronari i garazhit.
Gjatë kontrollit u gjetën dhjetëra doza të lëndës narkotike kanabis, 1 armë zjarri pistoletë me municion luftarak dhe 2 radio marrëse-dhënëse.
Në pranga ranë:
-E. M., 24 vjeç, banues në Lezhë, për veprën penale “Prodhimi dhe shitja e narkotikëve”, kryer në bashkëpunim;
-R. P., 24 vjeç, banues në fshatin Manati, për veprën penale “Prodhimi dhe shitja e narkotikëve”, kryer në bashkëpunim;
-R. M., 24 vjeç, banues në Lezhë, për veprat penale “Prodhimi dhe shitja e narkotikëve”, kryer në bashkëpunim dhe “Mbajtja pa leje dhe prodhimi i armëve, armëve, shpërthyese dhe municionit”.
Nga veprimet hetimore dyshohet se shtetasi E. M. e kishte përshtatur garazhin e tij, për veprimtarinë kriminale të prodhimit dhe shitjes së lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
