Gjykata e Fierit ka caktuar masën e sigurisë “Detyrim paraqitje” për shtetasin Erion Alushaj, shef i sigurimit teknik pranë sektorit të dekantimit në një kompani nafte në Ballsh.
Në fshatin Kash në Mallakastër, mëngjesin e së hënës, rreth orës 07:30 mori flakë një tubacion nafte pas shpërthimit të një pompe centrifugale në sektorin e dekantimit të kompanisë së naftës. Për pasojë u dëmtua me djegie operatori i prodhimit, Viktor Ballaj, 50 vjeç.
40-vjeçari Erion Alushaj akuzohet për veprën penale “Shkelja e rregullave të mbrojtjes në punë”, pasi nuk kishte marrë masa për sigurinë teknike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
