Dy djem të rinj janë vënë në prangat e policisë së Kavajës, pas marrjes së njoftimit nga qytetarët se as i kishin hequr lirinë një vajze, menjëherë kanë organizuar punën për kapjen e autorëve të dyshuar.
Në deklaratën e policisë thuhet se falë veprimeve profesionale specialistët për Hetimin e Krimeve në Komisariatin e Policisë Kavajë, janë arrestuar në flagrancë, në një kohë rekord, dy të dyshuarit.
Në pranga përfunduan A. D., 23 vjeç, banues në Peqin, për veprat penale “Heqja e paligjshme e lirisë”, “Kanosja” dhe “Plagosja e lehtë me dashje”, të kryera në bashkëpunim dhe A. H., 18 vjeç, banues në Peqin, për veprat penale “Heqja e paligjshme e lirisë”, “Kanosja”, “Plagosja e lehtë me dashje”, të kryera në bashkëpunim dhe “Prodhimi, mbajtja, blerja apo shitja pa leje e armëve të ftohta”.
Dy të rinjtë, në bashkëpunim me njëri-tjetrin, ditën e djeshme, i kanë hequr lirinë një shtetaseje 17 vjeçe, duke e mbajtur në një ambient që aktualisht nuk është në përdorim, si dhe kanë ushtruar dhunë ndaj saj.
Gjatë kontrollit fizik ndaj shtetasit A. H., shërbimet e policisë gjetën dhe sekuestruan, në cilësinë e provës materiale, një dorezë metalike, përforcues grushti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
