Kastriot Ismaliaj për të ngritur skemën e tij të mashtrimit bashkëpunoi ngushtë me dy drejtues të CEZ në atë kohë në Tiranë. Josef Hajsek dhe Jan Ivan u hetuan dhe dërguan në gjyq nga prokuroria për akuzat e mashtrimit. Gjyqi ndaj tyre për disa vite u pezullua për shkaqe proceduriale. Ndërsa aktualisht procesi zhvillohet normalisht në dhomën penale të Gjykatës së Tiranës.
Ish-gjyqtari i kësaj çështjeje, Sokol Tona, dërgoi në Kushtetuese pretendimet e avokatëve mbrojtës të Hejsek dhe Ivan se ata kishin imunitet. Gjykata Kushtetuese vendosi që procesi duhet të vazhdonte për këta persona në Gjykatën e Tiranës. Pas këtij vendimi gjykatësi i dosjes, Sokol Tona, jep dorëheqjen nga detyra duke dalë në pension të parakohshëm, duke sjellë si pasojë shtyrjen e procesit. Aktualisht, çështjen e ka në gjykim gjyqtari Gerd Hoxha, ku do zhvillohet proces normal me pyetjen e dëshmitarëve. Prokuroria duket e bindur në fajësinë e dy ish-drejtuesve të CEZ në Tiranë. Ajo i paraqet Josef Hajsek dhe Jan Ivan si bashkëpunëtorë të ngushtë të Kastriot Ismailaj. Pa ndihmën e këtyre dy personave, sipas provave që paraqet prokuroria në dosje, do ta kishte të pamundur të zhvillonte skemën e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
