Policia kufitare e Kapështicës ka bërë të mundur sekuestrimin e 24.530 eurove të padeklaruara, të cilat i janë gjetur një 67-vjeçari, i cili po lëvizte në drejtim të Greqisë.
Policia në bashkëpunim me autoritetet doganore kanë arritur të sekuestrojnë 24.530 euro të padeklaruara në automjetin tip “Opel”, i cili drejtohej nga shtetasi me ininciale J.D, 67vjeç, banues në fshatin Shegas, Lushnjë.
Gjatë kontrollit të ushtruar në mjetin e tij, në një çantë, iu gjet dhe sekuestruar në cilësinë e provës materiale shuma e lartpërmendur, shumë të cilën 67-vjeçari nuk e kishte deklaruar më herët.
Materialet i kaluan Prokurorisë pranë Gjykatës së Shkallës së Parë Korçë.
Kapshticë/ Informacion paraprak
Shërbimet e Stacionit të Policisë Kufitare Kapshticë në bashkëpunim me autoritetet doganore, në vijim të punës për parandalimin dhe goditjen e paligjshmërisë, si rezultat i kontrolleve të shtuara bazuar edhe në analizën e riskut, në dalje të Republikës së Shqipërisë, kanë kaluar në vijën e dytë, për kontroll të imtësishëm automjetin tip “Opel” me drejtues shtetasin J. D., 67 vjeç, banues në fshatin Shegas, Lushnjë.
Gjatë kontrollit të ushtruar në mjetin e tij, në një çantë, iu gjetën e sekuestruan në cilësinë e provës materiale 24.530 euro, sasi të cilën ky shtetas nuk e kishte deklaruar.
Veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj këtij shtetasi për veprën penale “Mosdeklarimi në kufi i të hollave”.
Materialet i kaluan Prokurorisë pranë Gjykatës së Shkallës së Parë Korçë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
