Gjendet i masakruar dhe pa shenja jete në banesë 82 vjeçari në Durës

Një i moshuar është gjetur i vdekur në banesën e tij në Durrës.

Ngjarja ka ndodhur në lagjen 16 të qytetit dhe bëhet fjalë për 82 vjeçarin Paulin Gina i cili jetonte i vetëm në banesë.

Sipas të dhënave paraprake mësohet se viktima ka disa dëmtime me mjet prerës në trup.

Kanë qenë familjarët e tij, të cilët jetojnë jashtë shtetit që e kanë telefonuar, por 82-vjeçari nuk është përgjigjur.

Ata më pas kanë telefonuar menjëherë policinë, e cila ka shkuar në banesë dhe e ka gjetur të moshuarin pa shenja jete.

Policia dhe grupi hetimor po punon për zbardhjen e rrethanave të krimit.