Një stuhi e fortë shoqëruar me reshje shiu dhe breshëri ka përfshirë pasditen e sotme rrethin e Gramshit, duke shkaktuar dëme të konsiderueshme në sipërfaqe të mëdha të mbjella me kultura bujqësore.
Më i prekur rezulton fshati Kukur, ku stuhia ka zgjatur mbi 15 minuta, duke prekur qindra dynymë me prodhime të ndryshme bujqësore.
Dëmet më të mëdha janë regjistruar në parcelat me agrume si edhe në vreshtari, ku humbjet llogariten të jenë të mëdha. Fermerët e zonës shprehen të shqetësuar për pasojat që solli kjo stuhi në pak minuta.
Për momentin, ende nuk ka një informacion të saktë mbi gjendjen e rrugëve rurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
