Një 24-vjeçar ka përfunduar në prangat e policisë pasi shiste lëndë narkotike në qytetin e Beratit.
Specialistët për Hetimin e Narkotikëve dhe Trafiqeve të Paligjshme nën drejtimin e Prokurorisë Berat, në vijim të operacionit të koduar "Multiple", bënë të mundur arrestimin në flagrancë të shtetasit Mateos Lamaj, 24 vjeç, banues në Berat, për veprën penale “Prodhimi dhe shitja e narkotikëve”.
Shërbimet e Policisë gjatë kontrollit fizik dhe në banesë i gjetën shtetasit L. M, lëndë narkotike cannabis në formë boçeje dhe të ndarë në doza, të cilën dyshohet se e shiste në lagje të ndryshme të qytetit të Beratit, 1 aparat celular, shuma monetare të cilat dyshohet se janë përfituar nga veprimtaria e kundërligjshme të shitjes së lëndëve narkotike.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
