Policia e Elbasanit ka arrestuar dy shtetase nga Kazakistani, të cilat dyshohet se ushtronin prostitucion në një apartament të marrë me qira. Gjatë operacionit, policia sekuestroi shuma parash në valuta të ndryshme, tre celularë dhe dokumentet e dy shtetaseve të arrestuara.
Shtetaset A. A., 34 vjeçe, dhe A. A., 27 vjeçe, u arrestuan në flagrancë, ndërsa një tjetër shtetase, R. Ç., 42 vjeçe, banues në Elbasan, është proceduar në gjendje të lirë. Policia bën me dije se, nga hetimet e deritanishme, rezultoi se shtetaset e huaja ushtronin prostitucion në një apartament të marrë me qira nga 42-vjeçarja.
Për këtë rast, Policia e Elbasanit ka vijuar hetimet, ndërsa materialet procedurale janë referuar në Prokurorinë e Elbasanit për veprime të mëtejshme.
Rreth një javë më parë, Policia e Elbasanit zbuloi dy apartamente të tjera të marra me qira nga shtetase të huaja, ku po ushtruar prostitucion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
