Makina i pret rrugën një mjeti në Shkodër, plagosen tre të mitur

Tre fëmijë kanë mbetur të plagosur në Shkodër, si pasojë e një aksidenti.

Sektori i Policisë Rrugore referoi materialet në Prokurori, ku nisi procedimi penal për shtetasin A. H., 21 vjeç.

I riu akuzohet se në aksin rrugor Koplik-Shkodër, ka kryer manovër të gabuar dhe i ka ndërprerë rrugën automjetit me  drejtues shtetasit F. Rr., 50 vjeç, banues në fshatin Pjetërshan.

Si pasojë, janë dëmtuar lehtë fëmijët e mitur 5, 6 dhe 7 vjeç, që udhëtonin në makinën që drejtohej nga shtetasi F. Rr.

Lidhur me këtë ngjarje hetimet janë në vijim, ndërkohë që materialet iu referuan Prokurorisë për ndjekje të mëtejshme.