Një ngjarje e rëndë është regjistruar mbrëmjen e së premtes në Korçë, ku një 18-vjeçar ka mbetur i plagosur rëndë në kokë, pasi dyshohet se është goditur me mjet prerës nga njerku i tij.
Sipas informacioneve paraprake, rreth orës 21:55, i riu me inicialet A. S. është paraqitur në Spitalin Rajonal të Korçës me dëmtime të rënda në kokë.
Dyshohet se ai është plagosur gjatë një konflikti për motive të dobëta me njerkun e tij, shtetasin Niko Baka, 37 vjeç.
Pas ngjarjes, autori i dyshuar u largua nga vendi i konfliktit, por falë ndërhyrjes së menjëhershme të shërbimeve të Policisë u bë i mundur lokalizimi, kapja dhe arrestimi i tij.
Grupi hetimor, nën drejtimin e Prokurorisë, po vijon veprimet për zbardhjen e plotë të rrethanave të ngjarjes dhe dokumentimin e saj ligjor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
