Gjykata ka lënë në burg Klodian Gradecin, ish-drejtorin e Hidro-karbureve në AKBN.
Ai u arrestua teksa po kthehej nga Turqia, pasi kishte ikur atje përpara se të bëhej operacioni për kapjen e 5 punonjësve të AKBN-së dhe dy biznesmenëve.
Gradeci bashkë me dy biznesmenët Isuf Berberi dhe Naim Kasa, pronarë të kompanisë “Phoenix Petroleum” që merret me pastrimin e puseve të naftës, zyrtarë të AKBN-së, kanë marrë nga shtetit 1.5 milion dollarë për shërbime që nuk i kanë kryer. Pra, dy biznesmenët kanë paraqitur në AKBN fatura fiktive për pastrimin e puseve të naftës, dhe me ndihmën e zyrtarëve të këtij institucioni kanë marrë 1. 299.000 dollarë amerikanë. Dëmi në total ndaj shtetit shqiptar është në vlerën e 1.472.766 dollarë.
Hetimet janë drejtuar nga Prokuroria e Tiranës dhe kanë zgjatur për 4.5 vite. Ish-drejtori Gradeci është arrestuar mbrëmjen e djeshme nga Policia në Rinas, teksa po kthehej nga Turqia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
