Qeveria e Kosovës dërgon në Ukrainë kontingjentin e parë me ndihma humanitare

Qeveria e Kosovës ka marrë vendim sot që të dërgojë kontingjentin e parë me ndihma humanitare për Ukrainën , në vlerë 100 mijë euro.

Kryeministri Albin Kurti tha se kjo do të bëhet si përgjigje e thirrjes publike të Ukrainës për ndihma humanitare.

Në përgjigje të thirrjes publike të Ukrainës për ndihma humanitare bërë përmes përfaqësive të saj diplomatike dhe përmes shprehjes së solidaritetit me popullin e Ukrainës, MPJD propozon për shqyrtim dhe miratim vendimin për ndarje të mjeteve buxhetorë në vlerë 100 mijë euro për dërgimin e kontingjentit të parë të ndihmave për popullin e Ukrainës.

Ndërkaq, ministrja e Jashtme, Donika Gërvalla tha se vendimi për dërgimin e  këtij kontingjenti në Ukrainë është bërë edhe në bashkëveprim me ShBA-të, Be-në dhe partnerët strategjik. 

Qeveria e Kosovës ka marrë vendim që të u ofroj mbrojtje dhe kushte për punë dhe mbrojtje 20 gazetarëve dhe familjarëve të tyre të ngushtë.

Ministri i Punëve të Brendshme, Xhelal Sfeçla u shpreh se kjo është obligim moral që Kosova ka ndaj këtyre personave që janë të rrezikuar.

Propozoj propozim-vendimin për mbrojtje të përkohshme dhe të menjëhershme për 20 gazetarë ukrainas dhe familjeve të tyre. Ky propozim-vendim u hap rrugë 20 gazetarëve për të qëndruar përkohësisht në Kosovë dhe për të ushtruar profesionin e tyre.

Qeveria e Kosovës në mbledhjen e sotme vendosi poashtu të zgjerojë pakon e masave sanksionuese ekonomike-financiare ndaj Rusisë dhe Bjellorusisë, pas pushtimit të Ukrainës nga agresioni rus.