Gjykata e Shkallës së parë Shkodër, caktoi masën e sigurisë “arrest shtëpie” për drejtorin e burgut të Reçit, Ervis Zika i cili u arrestua pak ditë më parë.
Drejtori i burgut të Reçit dyshohet se ka kaluar pa skaner në regjimin e izolimit, sende të paligjshme dhe se ka firmosur në mënyrë fiktive kartelat e karburantit.
Gjatë seancës së mbajtur ditën e sotme, pala mbrojtëse kërkoi një masë lehtësuese, nën argumentin se Zika nuk përbën rrezikshmëri për ikje nga vendi.
Hetimi ndaj drejtorit të burgut të Reçit do të vijojë në kushtet e arrestit të shtëpisë.
Vendimi u dha nga gjyqtarja e shkallës së parë në Shkodër, Izabela Radovani, ndërsa prokurore e çështjes ishte Shqiponja Milla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
