Ka shkuar në katër numri i të arrestuarve të shkëmbimit me armë zjarri mes disa personave në pedonalen e Shkodrës mbrëmjen e datës 2 shkurt, ku u plagos me armë zjarri kalimtarja L. J.
Janë arrestuar ne flagrancë 3 shtetasit A. R., 31 vjeç, banues në Durrës, E. B., 28 vjeç, banues në Durrës dhe R. Xh., 22 vjeç, banues në Shkup, Maqedoni ndërsa sot është arrestuar dhe i shpalluri në kërkim. Bëhet fjalë për L. L., 27 vjeç, banues në lagjen Tepe, Shkodër.
Shëkmbimi me armë mes këtyre shtetasve sipas policisë ka ndodhur pasi ata kishin konflikte të hershme me njëri-tjetrin.
Njoftimi i policisë:
Vijon operacioni policor “Reagimi”, shkon në 4 numri i të arrestuarve për ngjarjen e datës 05.02.2020.
Në vijim të hetimeve, nga strukturat e Policisë është bërë arrestimi i shtetasit:
L. L., 27 vjeç, banues në lagjen Tepe, Shkodër.
Arrestimi i tij u bë, pasi gjatë veprimeve hetimore ka rezultuar qe më ndërmjetësinë e këtij shtetasi, personat e arrestuar kanë shkuar në Shkodër, ku dhe kanë shkëmbyer zjarr më armë, me shtetasin M. M.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
