Ekstradohet nga Franca Aleksandër Gjini, njëri prej tre të dënuarve për një vrasje të rëndë që tronditi Kurbinin në 2013. Aleksandër Gjini, dy vëllezërit e tij: Kastriot dhe Valentin por dhe i ati Ndue Gjini u dënuan për vrasjen e Ded dhe Luigj Vukajt më 6 maj 2013. Vrasja ndodhi pas një konflikti për motive pronësie.
Njoftimi i policisë
Më 8 mars 2017 Specialistët e Interpol Tirana kryen ekstradimin e 39 vjeç, banues në Fushë-Kuqe – Kurbin. Gjykata e Rrethit Gjyqësor Kurbin me vendim Nr.679-146 datë 30.06.2016, lënë në fuqi nga Gjykata e Apelit Tiranë me vendimin Nr. 1612 datë 07.12.2016 , këtë shtetas e kanë dënuar me 23 vite burg për veprat penale “Vrasja në rrethana cilësuese, e kryer në bashkëpunim” dhe “Prodhimi dhe mbajtja pa leje e armëve luftarake dhe municionit” parashikuar nga nenet 79/dh – 25 dhe 278/2 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
