Aksident me pasojë dy persona të plagosur është regjistruar mesditën e kësaj të enjte në qytetin e Pogradecit.
Ngjarja ka ndodhur rreth orës 13:15, në aksin "Korçë-Pogradec", ku shtetasi A. Gj., 48 vjeç, duke drejtuar automjetin tip "BMË", dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.
Nga aksidenti janë dëmtuar shtetasi A. Gj. dhe pasagjerja në automjet, shtetasja J. Gj., të cilët po marrin mjekim në spitalin e Pogradecit dhe janë jashtë rrezikut për jetën.
Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
