Shqipëria ka hapur garën për drejtuesin e Prokurorisë së Përgjithshme, në krye të të cilës nga viti 19991 ka pasur në total 2 gra dhe 7 burra. Në studion e emisionit FactCheck, avokati Emerald Xhafa tha se emri i prokurorit të Përgjithshëm mbetet në dorë të politikës.
Përveç Arben Rakipit, sa u përket të tjerëve, kanë vazhduar avokatinë duke qenë se janë shkarkuar nga politika. Maks Haxhia ose Sollaku janë shkarkuar për shkak të përplasjeve politike. Për aq kohë sa prokurori i Përgjithshëm zgjidhet me votat e Parlamentit janë ata që do të vendosin për ta shkarkuar atë. Është një situatë ku politika, pavarësisht ndarjes së sistemeve, është ajo që vendos.
Dy gratë që kanë drejtuar një institucion si Prokuroria e Përgjithshme rezultojnë që janë më të forta dhe vazhdojnë të ushtrojnë detyrën. Ajo që vihet re është se Ina Rama që erdhi si gruaja e hekurt, e njëjta forcë politike e sulmoi më pas duke përdorur disa epitete që nuk mund t’i përmendim këtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
