Gjykata e Krimeve të Rënda lë në burg Klement Balilin.
Ditën e sotme, Balili doli para trupit gjykues për t’u njohur akuzat dhe me masën e sigurisë. Prova mbi të cilën bazohet akuza janë përgjimet që e implikojnë në trafikun e drogës.
Gjatë seancës, Balili i mohoi akuzat, ndërsa vendimin për masën e sigurisë e priti i qetë dhe i buzëqeshur.
Gjyqtare e seancës është caktuar dje Miliana Muça, e cila do të bëjë edhe rivlerësimin e masës së sigurisë, të cilën mbrojtja pritet ta apelojë.
Klement Balili u vetëdorëzua të martën, në të njëjtën ditë që prokurori i çështjes, Ened Nakuçi, dorëzoi dosjen në gjykatë për të kaluar çështjen në gjykim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
