“Penaliteti” u kodua një operacion i policisë së Lushnjës gjatë të cilit u vunë në pranga tre persona të kapur me kokainë, kanabis dhe lëndë eksplozive.
Gjatë operacionit u arrestua shtetasi E. L., 32 vjeç, banues në Kuçovë, pasi në automjetin që drejtonte, u gjetën një sasi kanabisi dhe kallëp lënde e dyshuar eksplozive artizanale;
Po ashtu u arrestua shtetasi R. K., 21 vjeç, banues në Lushnjë, pasi iu gjetën doza kanabisi dhe përforcues grushti dhe A. M., 24 vjeç, banues në Lushnjë, pasi në automjetin që drejtonte, u gjet një sasi kokaine.
Gjithashtu u referuan materialet në Prokurori, ku nisi procedimi penal për një shtetas 17 vjeç, banues në Lushnjë, pasi iu gjetën dhjetëra doza kanabisi, të cilat nga hetimet e deritanishme rezulton se do t’i shiste në afërsi të shkollave të qytetit të Lushnjës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
