Një person i shpallur në kërkim nga policia e Tiranës, në kuadër të operacionit të koduar “Zallmneri”, si rezultat i të cilit, në gusht 2018, u sekuestruan 67 kanabis, është vënë në prangat e efektivëve të komisariatit Nr. 3.
Bazuar në informacionet e siguruara për vendndodhjen e të kërkuarit, në Qafë-Shtamë, shërbimet e policisë kanë lokalizuar dhe arrestuar Behar Hajdinin, 30 vjeç, banues në Krujë, të cilin Gjykata e Apelit Tiranë e ka dënuar me 7 vite burgim, për veprën penale “Prodhimi dhe shitja e narkotikëve”, kryer në bashkëpunim.
30-vjeçari ishte shpallur në kërkim në kuadër të operacionit “Zallmneri”, të zhvilluar në gusht 2018, si rezultat i të cilit u arrestuan në flagrancë shtetasit Xh. L., I. S., B. L., dhe E. L., të cilët në bashkëpunim me 30-vjeçarin transportonin 67 kilogramë lëndë të dyshuar narkotike kanabis sativa, e cila u sekuestrua në cilësinë e provës materiale, gjatë operacionit.
Ndaj të ndaluarit për veprime të mëtejshme, materialet i kaluan Prokurorisë Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
