Një 39-vjeçar u vra me armë zjarri në Elbasan pasditen e sotme. Viktima është Emiliano Ramazani.
Autorët e krimit janë larguar me shpejtësi në drejtim të aksit rrugor Bradashesh-Paper. Ata i kanë vënë flakën mjetit dhe janë larguar në kodrat përballë Paprit.
Shërbimet e Policsë janë vënë në ndjekje të autorëve dhe po bëhet rrethimi i zonës ku dyshohet se mund të jenë larguar autorët. Janë ngritur pika kontrolli në aksin rrugor Elbasan-Rrogozhinë, Elbasan-Tiranë e Elbasan-Belsh.
Në ndihmë të policisë lokale janë nisur FNSH dhe RENEA, si dhe një grup specialistësh të Departamentit të Policisë Kriminale në DPPSH.
Po ashtu, drejt Elbasanit është nisur edhe kreu i Policisë së Shtetit, Ardi Veliu.
Ramazani nuk është emër i panjohur për policinë. Ai është arrestuar në shkurt të vitit 2017. Në momentin e arrestimit i janë gjetur 10 doza kokainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
