Dy shtetas shqiptarë dhe një maroken janë arrestuar nga autoritetet spanjolle, gjatë një operacioni për çmontimin e një magazine ku kultivohej marijuanë. Operacioni është zhvilluar në Caspe, ndërsa të arrestuarit akuzohen për kultivim dhe prodhim droge, si dhe mashtrim me energjinë elektrike.
Hetimi ndaj tyre nisi pasi policia mori informacion për ekzistencën e mundshme të një hapësire në të cilën kultivohej marijuanë. Gjatë operacionit, u bë e mundur të përcaktohej vendndodhja e saktë e vendit.
Gjatë kontrollit, agjentët gjetën në total 1500 bimë kanabis sativa. Sipas policisë, të tre personat kujdeseshin për kultivimin e kanabisit 24 orë në ditë, ndërsa kishin vendosur më parë përgjues, kamera sigurie, dhe kishin fshehur një automjet jashtë ‘shtëpisë së barit’që të largoheshin menjëherë sapo të mbërrinte policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
