Një operacion i policisë së Fierit i koduar “Informaliteti 3”, ka goditur një rast të ushtrimit të aktivitetit në kopshte, pa licencën përkatëse, rasti i tretë i kësaj veprimtarie të paligjshme brenda javësh.
Specialistët e Seksionit për Hetimin e Krimit Ekonomik e Financiar në DVP Fier proceduan penalisht për veprat penale “Fshehja e të ardhurave” dhe “Mospagimi i taksave dhe tatimeve”, shtetasen E. K., 46 vjeçe, banuese në Fier.
Procedimi ndaj saj nisi pasi gjatë kontrollit të ushtruar në fshatin Daullas, në subjektin në pronësi të saj, kopsht privat, u konstatua se ky subjekt nuk ishte licencuar nga ana e Ministrisë së Arsimit, për kryerjen e këtij aktiviteti.
Lidhur me këtë rast hetimet janë në vijim, ndërkohë që materialet iu referuan Prokurorisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
