Aksident me pasojë një person të plagosur është regjistruar mesditën e kësaj të premte në aksin rrugor Korçë-Pogradec. Ngjarja ka ndodhur rreth orës 13:00 pranë fshatit Bulgarec, ku shtetasi J. K., 39 vjeç, duke drejtuar automjetin tip "Seat", dyshohet se ka aksidentuar shtetasin G. H., rreth 58 vjeç, këmbësor në rrugë. I plagosuri është dërguar me urgjencë në spitalin rajonal për ndihmë mjekësore ku raportohet se fatmirësisht ndodhet jashtë rrezikut për jetën. Me drejtuesin e automjetit shtetasin J. K., po kryhen veprimet e mëtejshme procedurale. Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
