Një alarm për bombë është dërguar përmes e-mailit në disa prej institucioneve kryesore të drejtësisë dhe administratës shtetërore në Shqipëri këtë të hënë.
Në një lidhje direkte nga terreni për MCN Live, gazetari i kronikës Arsen Rusta ka zbardhur detajet në lidhje me këtë e-mail, duke zbuluar edhe origjinën nga ku është nisur mesazhi elektronik.
Ai tha se, rezulton qe mesazhi është dërguar nga një adresë elektronike që i përket një institucioni arsimor në Arabinë Saudite.
"Një email ka alarmuar institucionet e drejtësisë. Është pezulluar çdo proces pune dhe është bërë evakuimi i personelit. Ky alarm ka përfshirë mbi 100 institucione me një përmbajtje që është shkruar në shqip.
Është e disa herë që ka ndodhur kjo, kujtojmë këtu edhe rastin në nisje të sezonit të ri të shkollës. Të gjitha institucionet kanë marrë të njëjtin njoftim. Nga verifikimet e para rezulton se mesazhi është dërguar nga një adresë elektronike që i përket një institucioni arsimor në Arabinë Saudite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
