Sulmohen zyrat elektorale të Partisë Socialiste në Berat. Mësohet se dera e jashtme e zyrës së PS-së është thyer pasi është qëlluar me gurë.
Bëhet fjalë për zyrën e PS-së në lagjen "30 Vjetori" që ndodhet në anë të rrugës kryesore të qytetit.
Thyerja është konstatuar rreth orës 07:30 të mëngjesit dhe pas konstatimit është njoftuar policia. Pasi kanë mbërritur në vendngjarje, ekspertët janë duke kryer veprimet se si është goditur dera kryesore e kësaj zyre.
Nuk dihet ende nëse thyerja e derës së jashtme të kësaj zyre është bërë në mënyrë të qëllimshme apo nga ndonjë person i dehur gjatë natës.
Mësohet se policia është duke sekuestruar edhe kamerat e sigurisë të bizneseve përreth për të identifikuar edhe personin që ka goditur me gurë zyrën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
