Një person në Durrës ka denoncuar në polici dy raste të ndryshme, kur persona të paidentifikuar i kanë dalë para dhe i kanë kërkuar para.
Specialistët për Hetimin e Krimeve të Komisariatit të Policisë Durrës kanë referuar materialet në Prokurorinë pranë Gjykatës së Rrethit Gjyqësor Durrës, për vlerësim, pasi në Komisariatin e Policisë Durrës ka kallëzuar shtetasi E. M., 37 vjeç, banues në Durrës, se në muajin janar 2022 dhe në muajin shtator 2022, persona të paidentifikuar e kanë ndaluar në rrugë dhe i kanë kërkuar një shumë parash, raste të cilat ky shtetas nuk i ka kallëzuar më parë në polici.
Në bashkëpunim me Prokurorinë vijon puna për zbardhjen edhe dokumentimin e këtyre rasteve. Ndërkohë, vijojnë hetimet edhe për shtetasin E. M., pasi dyshohet se ka bërë kallëzim të rremë.
Ndërkohë materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
