Përplasi me makinë burrë e grua pas konfliktit, arrestohet i riu në Fier

Një person i shpallur në kërkim për tentativë vrasje, është vënë në prangat e policisë së Fierit.

I arrestuari është F. Ç., 29 vjeç, banues në Fier, i cili akuzohet se më 26 shkurt pas një konflikti për motive të dobëta, ka përplasur me qëllim, me automjetin e tij, shtetasin S. N., 45 vjeç, dhe bashkëshorten e tij, shtetasen E. N. (M)., 35 vjeçe. 

Të dëmtuarit morën ndihmë mjekësore në spital dhe më pas u larguan për në banesë.

Në vijim të veprimeve proceduriale u ndalua shtetasi F. Ç., 29 vjeç, banues në Fier, për veprën penale “Vrasje me dashje”, mbetur në tentativë.