Përplasi me automjet një fëmijë dhe u largua nga vendi i aksidentit, arrestohet 16-vjeçari në Dibër

Policia e Dibrës ka arrestuar një 16-vjeçar me iniciale A.K pasi përplasi me një automjet një fëmijë të mitur dhe u largua nga vendi i aksidentit.

Në njoftimin e policisë thuhet: Dibër/Përplasi me automjet një fëmijë të mitur,  dhe u largua nga vendi i aksidentit, identifikohet, kapet dhe shoqërohet në Komisariat drejtuesi i automjetit.    

Si rezultat i veprimeve intensive hetimore dhe procedurale të kryera me zbardhjen e rrethanave të një aksidenti të ndodhur  rreth orës 18.00,  në lagjen Kamen, ku u përplas një fëmijë i mitur, shërbimet e Policisë, bënë të mundur identifikimin, kapjen dhe shoqërimin e drejtuesit të automjetit, shtetasit A.K., 16 vjeç.

Grupi hetimor po vijon kryerjen e veprimeve në vendngjarje.