Një i ri ka përfunduar në prangat e policisë së Vlorës pasi ishte kthyer në makthin e një vajze të mitur duke e përndjekur atë.
Burime policore bëjnë me dije se specialistët e Seksionit për Krimet në Komisariatin e Policisë Vlorë bënë arrestimin në flagrancë të shtetasit K. K, 21 vjeç, banues në Selenicë, pasi dyshohet se në mënyrë të vazhdueshme ka përndjekur një shtetase të mitur 13-vjeçare.
Arrestimi i tij erdhi pas denoncimit të bërë nga familjarët e vajzës, pasi kjo e fundit prej kohësh ndjehej e shqetësuar dhe frikësuar nga përndjekja e 21-vjecarit.
Lidhur me rastin, materialet i kaluan Prokurorisë së Rrethit Gjyqësor Vlorë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
