Një operacion antikanabis i koduar “Faza e parë” është zhvilluar në Librazhd, ku është goditur që në fazë fillestare një tentativë për kultivimin e bimëve narkotike në fshatin Xhyrë.
Si rezultat i hetimeve proaktive të kryera nga Komisariati i Policisë Librazhd, në bashkëpunim me Drejtorinë Vendore të Policisë Elbasan dhe në koordinim me Prokurorinë, u arrestuan në flagrancë dy shtetas të dyshuar për këtë veprimtari kriminale.
Në pranga ranë O. L., 24 vjeç, dhe R. B., 26 vjeç, të dy banues në fshatin Xhyrë.
Ata u kapën në një zonë të pyllëzuar, ku kishin kultivuar fidanë të dyshuar narkotikë Cannabis Sativa në platforma polistiroli.
Gjatë operacionit u asgjësuan fidanët e kultivuar, ndërsa u sekuestruan automjeti që përdornin autorët për të shkuar në zonë, si dhe tre telefona celularë.
Policia bën me dije se kontrollet dhe hetimet në kuadër të operacionit antikanabis “Faza e parë” vijojnë.
Materialet procedurale iu referuan Prokurorisë së Elbasanit për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
