Një konflikt mes disa personave ka ndodhur mbrëmjen e sotme në kryeqytet, ndërsa ka mbetur i plagosur një prej tyre. Sipas policisë së Tiranës, ngjarja ka ndodhur rreth orës 20:15, në Allias, ndërsa konflikti ka qenë i çastit për motive të dobëta.
Në konflikt e sipër thotë policia, shtetasi B. Gj., së bashku me 3 shtetas të tjerë ende të paidentifikuar, kanë goditur me sende të forta shtetasin J. H.
Në largim e sipër njëri prej 3 shtetasve të paidentifikuar dyshohet se ka qëlluar me armë zjarri në ajër. Vijon puna për identifikimin dhe kapjen e tyre. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
