Një 26 vjeçar në Laç është plagosur me pistoletën që mbante pa leje në banesën e tij.
26- vjeçari i identifikuar si A.M është plagosur në këmbë dhe ka shkuar në spitalin e Kurbinit për të marrë ndihmën mjekësore, ndërkohë që është arrestuar nga policia.
Atij i është sekuestruar arma e zjarrit tip pistoletë, ndërsa mbi të rëndon akuza për veprën penale "armëmbajtja pa leje".
Njoftimi i Policisë:
Vetëplagoset me armë zjarri, vihet në pranga 26-vjeçari. Rreth orës 23:15 të mbrëmjes së djeshme, në spitalin e Kurbinit është paraqitur për ndihmë mjekësore një 26-vjeçar, i cili ishte plagosur me armë zjarri.
Menjëherë pas marrjes së njoftimit, Policia dhe grupi hetimor kanë shkuar në vendngjarje dhe nga hetimet rezultoi se 26-vjeçari ishte vetëplagosur aksidentalisht në këmbë, me armë zjarri, në banesën e tij. Në cilësinë e provës materiale është sekuestruar arma tip pistoletë, më të cilën është vetëplagosur ky shtetas. Në vijim të veprimeve, Policia e Kurbinit ka bërë arrestimin në flagrancë të shtetasit A. M., 26 vjeç, banues në Kurbin, për veprën penale "Armëmbajtja pa leje".
Materialet iu referuan Prokurorisë së Rrethit Gjyqësor Kurbin, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
