Prigozhin është shembulli i një individi që për shkak të varfërisë dhe diskriminimit bëhet një ndër më të rrezikshmit në planet. Po a janë të gjithë kështu? Të gjitha historitë e mëposhtme kanë vetëm një të përbashkët: rritjen në një varfëri ekstreme dhe të dhunshme. Al Capone: Capone u rrit në një familje emigrante të varfër dhe u përball me diskriminim si italo-amerikan. Shiste gazeta në rrugë. Ai iu drejtua jetës së krimit, duke u bërë një mafioz i shquar i Chicagos. Ishte i pamëshirshëm. Pablo Escobar: Udhëheqës i kartelit Medellín. Lindur në varfëri ekstreme në një zonë rurale. Shiste portokalle, lule dhe gurë varresh. Escobar u përball me mundësi të kufizuara dhe diskriminim. Ai ndërtoi një perandori masive droge duke trafikuar kokainë, duke u bërë një nga individët më të pasur në botë. Ekzekutoi me qindra. Jesse James: I jashtëligjshmi amerikan dhe grabitës bankash gjatë shekullit XIX. U rrit në një familje ekstremisht të varfër në Misuri dhe dëshmoi vështirësitë me të cilat përballej komuniteti i tij gjatë epokës së Luftës Civile dhe Rindërtimit. James iu drejtua një jete krimi, duke grabitur banka dhe trena me bandën e tij, që shpesh shihet si një simbol i rezistencës kundër padrejtësive. Charles Manson: Një udhëheqës famëkeq kulti dhe kriminel në fund të viteve 1960. I lindur nga një nënë adoleshente dhe duke kaluar pjesën më të madhe të jetës së tij të hershme brenda dhe jashtë institucioneve korrektuese, Manson u përball me një jetë në varfëri të plotë. Veprimet e Manson u nxitën nga një dëshirë për pushtet dhe një ideologji të deformuar. "El Chapo": Ishte një bos droge meksikan dhe udhëheqës i kartelit Sinaloa. Shpesh rrihej nga i ati dhe lihej pa bukë. Nuk shkoi kurrë në shkollë. I rritur në një komunitet të varfër rural në Meksikë, Guzmán u përball me mundësi të kufizuara dhe iu drejtua trafikut të drogës për t'i shpëtuar varfërisë. U bë një nga trafikantët më të fuqishëm dhe më të rrezikshëm të drogës në botë, duke orkestruar dhunën dhe korrupsionin. I pamëshirshëm. Toto Riina: Bosi i bosëve. Krimi i parë ishte vjedhja e deleve. Riina dhe familja e tij për t'i shpëtuar varfërisë gjenin armë të vjetra të Luftës së Dytë Botërore dhe i shisnin metalet për tu ushqyer. Teksa shkatërronin një bombë të vjetër, i ati dhe i vëllai humbën jetën. Riina konsiderohet më gjakatari në historinë e krimit në botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
