Policia e Vorës arriti të parandalonte një krim në familje. Ngjarja ka ndodhur në Domje, ku një 66-vjeçar ka kërcënuar me vrasje të shoqen.
Sipas policisë, S. B., 66 vjeç, e ka dhunuar dhe kërcënuar me armë bashkëshorten e tij. Por ndërhyrja e policisë pas marrjes së informacionit ka parandaluar përshkallëzimin e dhunës dhe ngjarjen e mundshme kriminale.
Uniformat blu kanë vënë në pranga bashkëshortin e dhunshëm si dhe kanë sekuestruar në cilësinë e provës materiale armën e zjarrit kallashnikov, me të cilën ai kërcënonte bashkëshorten e tij, 63-vjeçaren L. B.
Materialet i kalojnë Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Dhuna në familje” dhe “Armëmbajtja pa leje”, për të cilën parashikohet dënimi me burgim deri në 7 vjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
