Administratori i një farmacie dhe një punonjëse e tij janë arrestuar sot pasi akuzohen për kontrabandë produktesh farmaceutike. Gjithashtu, në kërkim është shpallur drejtuesja teknike e farmacisë.
Sipas policisë, në kuadër të operacionit policor të koduar ‘’Medikamenti’’ janë vënë në pranga Julian Ll., 40 vjeç, banues në Tiranë (administrator farmacie); E.P., 29 vjeç, banues në Tiranë (punonjëse farmacie), si u shpall në kërkim dhe A.P., 66 vjeçe, banuese në Tiranë (drejtuese teknike e farmacisë).
Policia bëri të ditur se shtetasit e mësipërm tregtonin dhe shisnin produkte farmaceutike kontrabandë, në një pikë farmacie në rrugën “Kongresi i Manastirit” .
Sektori per Krimin Ekonomik dhe Financiar sekuestroi 520 medikamente dhe produkte farmaceutike të llojeve të ndryshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
