Një 49-vjeçar është arrestuar nga Policia e Korçës, pasi dyshohet se tentoi të vidhte në një banesë, ndërkohë që ishte nën masën e sigurisë "Arrest në shtëpi".
Sipas Policisë, ngjarja u zbulua pas kallëzimit të pronarit të një banese në fshatin Goskovë, i cili denoncoi një tentativë për vjedhje.
Menjëherë pas marrjes së njoftimit, shërbimet e Komisariatit të Policisë Korçë organizuan veprimet hetimore për identifikimin dhe kapjen e autorit.
Si rezultat i hetimeve të shpejta, u bë i mundur identifikimi dhe arrestimi i shtetasit G. S., 49 vjeç, banues në fshatin Goskovë.
Nga verifikimet rezultoi se 49-vjeçari ndodhej nën masën e sigurisë "Arrest në shtëpi", të caktuar për veprën penale "Drejtimi i automjetit në mënyrë të parregullt".
Gjithashtu, Policia konstatoi se ai kishte drejtuar automjetin pa qenë i pajisur me leje drejtimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat penale "Vjedhja", mbetur në tentativë, "Drejtimi i automjetit në mënyrë të parregullt" dhe "Largimi i të burgosurit nga vendi i qëndrimit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
