Një operacion i policisë së Gjirokastrës i koduar “Road Guard 17”, ka vënë në pranga dy persona duke transportuar 11 emigrantë nga vendet e treta.
Në bazë të informacioneve policore u bë organizimi i operacionit, gjatë të cilit u arrestuan në flagrancë shtetasit Xh. S., 21 vjeç dhe B. A., 31 vjeç, banues në Durrës.
Gjatë operacionit, shërbimet e Policisë Rrugore kapën në flagrancë, në aksin rrugor Gjirokastër-Kakavijë, shtetasit Xh. S. dhe B. A., duke transportuar me një automjet tip furgon, 11 emigrantë të paligjshëm nga vendet MENA, kundrejt fitimit.
Në cilësinë e provës materiale u sekuestruan automjeti, tre aparate celulare dhe 50 euro.
Lidhur me këtë rast materialet iu referuan Prokurorisë së Gjirokastrës për veprën penale “Dhënia ndihmë për kalim të paligjshëm të kufijve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
