Një punonjës i Operatorit të Shpërndarjes së Energjisë Elektrike ka plagosur me thikë kolegun e tij, duke bërë që të vihet në pranga.
Paraditen e sotme, në lagjen “Uji i Ftohtë”, dyshohet se gjatë një konflikti të çastit, shtetasi N. Zh., ka goditur me thikë, shtetasin K. Sh., të dy punonjës të OSHEE-së.
I plagosuri K. Sh., ndodhet në spital, nën kujdesin e mjekëve, ndërsa shtetasi N. Zh., është shoqëruar në ambientet e Komisariatit të Policisë Vlorë, për veprime të mëtejshme.
Lidhur me këtë ngjarje, grupi hetimor vijon punën për zbardhjen e plotë të rrethanave të konfliktit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
