Kamionçina përplas të miturin në Elbasan, përfundon në spital

Aksident me pasojë një fëmijë të plagosur është regjistruar paraditen e sotme në qytetin e Elbasanit

Ngjarja mësohet se ka ndodhur në vendin e quajtur ” Kthesa e Krastës” në periferi të qytetit të Elbasanit, ndërsa i plagosur ka mbetur një fëmijë 12 vjeç i cili është përplasur nga një kamionçinë.

Mësohet se fëmija ka qenë duke kaluar nga njëra anë e rrugës në tjetrën, kur fatkeqësisht është përplasur nga kamionçina.

Menjëherë pas aksidentit i mituri është dërguar me urgjencë në spitalin rajonal të qytetit për ndihmë mjekësore,  ndërsa ndodhet nën kujdesin e mjekëve.

Policia ka mbërritur në vendin e ngjarjes dhe po punon për zbardhjen e rrethanave të plota të aksidentit.