Një operacion i forcave RENEA është zhvilluar mbrëmjen e djeshme në Vlorë, ku efektivët kanë ndërhyrë në dy banesa, të dyshuara se mund të jenë përdorur për strehimin e personave me rrezikshmëri të lartë kriminale.
Sipas informacioneve paraprake, kontrollet janë zhvilluar nën masa të rrepta sigurie, ndërsa forcat speciale kanë verifikuar ambientet e banesave dhe zonat përreth.
Deri tani nuk ka informacion zyrtar mbi identitetin e personave që mund të jenë objekt i operacionit, ndërsa nuk është konfirmuar nëse ka të arrestuar apo të shoqëruar.
Pritet që Policia e Shtetit të japë më shumë detaje lidhur me motivin e ndërhyrjes dhe rezultatet e kontrolleve, pasi informacionet e para mbeten paraprake dhe pritet konfirmimi zyrtar nga autoritetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
