Një shqiptar u arrestua në Igumenicë nga policia greke, pasi në makinën e tij u gjet një sasi prej 17 kg marijuanë. Lënda narkotike ishte fshehur në makinën tip “Benz Mercedes”, me targa shqiptare.
I arrestuari është Ervis Hoxha, 31 vjeç. Policia greke bëri të ditur se droga është diktuar nga qeni nuhatës me emrin Lesi, që policia e përdorte për kontrolle.
Mësohet se droga ishte marrë në Shqipëri dhe kishte si destinacion përfundimtar Italinë, pasi makina do të udhëtonte më pas me tragetin e linjës Igumenicë-Ankona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
