Gjatë ditës së djeshme, në aksin rrugor "Gramsh-Cërrik", ka ndodhur një aksident i rëndë ku automjeti me drejtues shtetasin G. K., 21 vjeç, është përplasur me automjetin tjetër, i drejtuar nga shtetasi E. H., 39 vjeç.
Si pasojë e përplasjes, ka humbur jetën shtetasi A. H., rreth 50 vjeç, pasagjer në automjetin e drejtuar nga E. H.
Lidhur me rastin, sot Drejtoria Vendore e Policisë Elbasan njoftoi se janë arrestuar dy drejtuesit e automjeteve, G. K. dhe E. H., për shkaktimin e aksidentit me pasojë vdekjen e një pasagjeri.
Në vijim të informacionit të dhënë dje, për aksidentin në aksin "Cërrik-Gramsh", që çoi në vdekjen e shtetasit A. H., 52 vjeç, si dhe plagosjen e dy drejtuesve të automjeteve dhe një pasagjeri tjetër, të cilët janë jashtë rrezikut për jetën, specialistët e Sektorit të Qarkullimit Rrugor arrestuan në flagrancë dy shoferët, G. K. dhe E. H., për veprën penale "Shkelja e rregullave të qarkullimit rrugor" me pasojë vdekjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
